Intwaro zikomeje kuba ikibazo mubaturage bo muri America_ISHEJA

Ikibazo cy'intwaro muri Leta zunze ubumwe za America gikomeje Kuba ingume.

Raporo yo muri uyu mwaka y'ikigo The National sports shooting Foundation, iragaragaza ko abaturage batuye muri Leta zunze ubumwe za America batunze intwaro muri iy'imyaka ya vuba biyongereye cyane, aho ubu intwaro ziri mu baturage zibarirwa muri Miliyoni 490 zose.

Ibi byo gutunga intwaro kuburyo bukabije muri iki Gihugu, bikaba byaratangiye gufata intera ikomeye guhera mu mwaka w'i 1990 kugera muri 2022

Nkuko iyo Raporo ibyerekana.

Intwaro zibarirwa muri miliyoni 16,045,911 ubu ziri kumasoko ahantu atandukanye muri America zitegereje abaguzi, bazazigura bagatangira kuzitunga, banazikoresha ibyo bo bahitamo kuzikoresha.

Ubu muri America intwaro zabaye nk'ibikoresho byibanze abaturage bagomba Kuba batunze mu ngo zabo. N'ibintu bisanzwe gutunga intwaro mur'iki Gihugu.

Kumasoko y'intwaro muri  America uhasanga intwaro zitandukanye harimo into cyane zo kwitazwa mu mifuka, intwaro zisumbuyeho ndetse n'inini cyane kugeza kuntwaro z'urugamba.

Ikibazo cy'intwaro gikomereye abaturage ndetse n'abategetsi bamwe bo muri America, aho bamagana gutunga intwaro mu baturage Kandi bagashishikariza abazifite kuziha leta cyangwa bakareka kugura izindi.

Ibi byo gukumira intwaro ntibivugwaho rumwe kuko hari abaturage n'abategetsi bari kuruhande rw'abashyigikira ko umuny'America w'igenga agomba gutunga intwaro nk'abasekuruza be bakoresheje intwaro bashinga iki gihugu, abashyigikira gutunga intwaro bakavuga ko batatatira umurage barazwe n'Ababyeyi babo.

Gusa n'ubwo hari abashyigikira ko zatungwa n'abaturage kuko n'amategeko yo muri Leta zimwe na zimwe zigize leta zunze ubumwe za America zibibemerera ntizibura kubateza ibibazo, harimo nko Kuba zikoreshwa zica abantu cyangwa mu busahuhuzi n' ubujura.

Tubibutse ko muri Leta zunze ubumwe za America atari leta zose zemerera abazituye gutunga intwaro n'ubwo nyinshi muri zo zibibemerera.