Menya byinshi ku busumbane bukabije burangwa mu muryango mugari

Guhishura Ubusumbane mu muryango mugari hifashishijwe "Isiganwa rya $100"

Ubusumbane mu muryango ni "imimerere aho abantu badahabwa amahirwe angana yo kugera ku mutungo, serivisi, n’imyanya ifite agaciro muri sosiyete."

Tekereza abantu bahagaze ku murongo umwe, biteguye gusiganwa kugira ngo batsindire igihembo cy’amadolari 100. Mu ntangiriro, birasa n’ibifite ubutabera — bose bahereye ku murongo umwe kandi bafite intego imwe.

Ariko mbere y’uko isiganwa ritangira, hari ibibazo byinshi bibazwa:

"Tera intambwe imwe imbere niba ababyeyi bawe barashyingiranwe kandi bakiri kumwe."

"Tera intambwe imwe imbere niba utarigeze uhagarika umutima kubw'ifunguro ryawe rya buri munsi."

"Tera intambwe imwe imbere niba warize mu ishuri ryigenga cyangwa warahawe amasomo yihariye."

"Tera intambwe imwe imbere niba utarigeze ubangamirwa cyangwa ngo uhezwe bitewe n’uruhu rwawe, igitsina cyawe, cyangwa ibikuranga."

Buri kibazo gituma bamwe batera imbere mu isiganwa mu gihe abandi basigara inyuma. Igihe isiganwa ritangirira, aho abantu bahagaze haba hatandukanye cyane. Witegereje neza ubona ko hari abahita babona igihembo hafi, mu gihe hari abandi basigaye inyuma ku buryo gutsinda bisa nk’aho bidashoboka.

Ni muri ubwo buryo "isiganwa rya $100" ari ikigereranyo gikomeye cy’ubusumbane muri sosiyete. Byerekana ko atari bose batangira ubuzima bafite amahirwe amwe. Ibyo umuntu ahabwa mu buzima, nk’umutekano mu muryango, uburezi bufite ireme, ubushobozi bwo kubaho neza, ndetse n’uburenganzira budahutazwa, bigira uruhare runini ku mahirwe dufite.

Ibyo twakwigira muri iri siganwa:

1. Amahame y’uburenganzira ntabwo angana: Akenshi intsinzi y’umuntu iterwa n’ibyo adafiteho ubushobozi bwo guhindura. Abahera hafi y’umurongo w'intsinzi si uko babikwiye cyane —ahubwo ni uko barazwe cyangwa bahawe amahirwe menshi na sosiyete.

2. Imbaraga z’umuntu ntizihagije gusa: Sosiyete ikunda gushyigikira igitekerezo cy'uko intsinzi iterwa n’imbaraga umuntu ashyira mu byo akora gusa, ariko iri siganwa ryerekana uburyo aho umuntu atangirira bifite akamaro kanini ku musaruro ashobora kugeraho.

3. Kumenya ni itangiriro yo guhinduka: Iri siganwa ryibutsa ko kumenya ibibazo by’ubusumbane n’inzitizi za sosiyete ari intambwe ya mbere mu gushakira ibisubizo biboneye.

Ubusumbane mu muryango ntibugarukira gusa ku ntera iri hagati y’abasiganwa —bwerekana ukuri kwa buri munsi mu bijyanye n’uburezi, ubuvuzi, umushahara, ndetse n’amahirwe yo gutera imbere. Iyo tumenye ibi bibazo, dushobora gufatanya kubaka sosiyete irangwa n’ubutabera, aho buri wese ahabwa amahirwe angana yo kugera ku ntsinzi, aho atangiriye hose.

Nimuhaguruke duteze imbere urubuga rw’uburinganire —butagira uwo bwambura $100, ahubwo buharanira ko buri wese ahabwa amahirwe yo kuyageraho mu buryo bungana.