Ibihugu 10 bituwe n'Abazungu byo hanze y'U Burayi, Ese bahageze bate?.

Hari Ibihugu bituwe n'Abazungu benshi bitari ibyabo nk'inyoko yabo,  ariko bakaba barabivukiyemo, bakabikuriramo, bakabibamo nk'iwabo bivuye ku_mpamvu zitandukanye. Abazungu bagiye bagera muri ibi Bihugu (tugiye kugarukaho)  biciye mu ubukoroni, ubucuruzi, bigisha ijambo ry'imana, bakora ibyo bise ubuvumbuzi, kuhakora utuzi dutanduka, ubwimukira n'ibindi bijyana abantu I Mahanga bikazarangira bahagumye ni uko bakwirakwiriye mu Bihugu by'Amahanga barabitura kugeza bibaye ibyabo, ariko bakagira inkomoko iwabo ku Burayi kuko ariho hari gakondo yabo.

Ibihugu bituwe n'Abazungu benshi hanze y'u Burayi na Scandinavia.

Impamvu Scandinavia tuyitandukanije n'u Burayi ni uko hari abantu bayifata nkaho ari umugabane ukwawo utandukanye n'u Burayi.

10. Africa y'Epfo.

Africa y'Epfo ituwe n'Abazungu benshi, bagezeyo kera mu bihe by'Ubukoroni na Apartheid batuye iki Gihugu baranagitegeka igihe kinini kugeza ubwo apartheid yavagaho, ubutegetsi busa nubusubibijwe abanegihugu. Africa y'Epfo ituwe n'Abazungu bangana na 9% by'Abatuye Africa y'Epfo bose.

9. Mexico

Ni Igihugu gituranye na Leta zunze ubumwe za America, kikaba kizwi cyane mu mateka ya kera ko ariho habarizwaga civilization y'aba Maya na Aztec civilization zari zihariye kandi zagiriye akamaro isi kuko hari byinshi zasigiye abantu n'ubu bagikoresha cyangwa se bifashisha. Mexico kandi izwi ho amabandi menshi kandi akaze ndetse n'ibiyayuramutwe byinshi bihabarizwa, binahacishwa mbere yo kwerekeza muri Leta zunze ubumwe za America.

Mexico ituwe n'Abazungu bangana n'i 10% by'Abatuye iki Gihugu.

8. Colombia

Igihugu benshi bumva bagahita batekereza ibiyobyabwenge cyangwa udutsiko tw'amabandi y'abagizi ba nabi.

Igihugu cya Colombia giherereye muri America y'Epfo, kikaba gituwe n'Abazungu bangana na 20%  by'Abagituye batuye Colombia. Ni umubare uri hejuru cyane.

7. Venezuela

Nayo ibarizwa muri America y'Epfo, ikaba ituwe n'Abazungu 43% bose bayituye bavuye ku Burayi.

Venezuela ni Igihugu kiza, gifite ikirere kiza, ubutaka bwiza ndetse n'ibindi byiza nyaburanga bikurura benshi bakajya kubyirebera n'amaso yabo.

6. Brazil

Nayo ikaba ibarizwa muri America y'Epfo, izwi ho cyane umupira w'amaguru n'imigeri ya kapowera ndetse no Kuba ituwe n'Abirabura benshi.

Brazil ituwe n'Abazungu benshi kuko ari 47% by'Abayituye bose.

Brazil ikaba ari igihugu kiri gutera imbere cyane, mu myaka mike iri imbere Brazil ikazaba iri mu Bihugu bifite ubukungu bukomeye cyane ku Isi. Mu 2050 biteganijwe ko izaba ari Iya 5 mu Bihugu bikomeye mu bukungu.

5. Canada

Canada iherereye mu m'Amajyaruguru y'Umugabane wa America.

Canada kubera ko ituwe n'Abazungu benshi, abantu benshi bakunze kwibeshya ko ari Igihugu cy'Abazungu nk'inyoko (inkomoko) ariko buriya abazungu bakigezemo nkuko bageze ahandi bakahigarurira, bakahategeka.

Abazungu batuye muri Canada abasekuruza babo batsembatsembye abaturage gakondo bahasanze basigaza ho bake cyane. Mu bihe bishize Papa Francis aheruka kubisabira imbabazi, avuga ko ibyo abazungu bakoreye Abaturage gakondo bo muri Canada  bitari bikwiye. 

Canada ituwe n'Abazungu bangana na 70% by'Abatuye Canada yose.

4. Leta zunze ubumwe za America

USA nayo benshi bibwira ko ari igihugu cy'abazungu nk'abagifitemo inkomoko, ariko si byo abazungu batuye muri iki Gihugu ni abimukira bahageze bahunze ubutegetsi bwabo k'u Burayi mu gihe cy'impinduramatwara zabaye k'u Burayi. Aba bazungu harimo abahunze n'abijyanye ku zindi mpamvu zabo bwite.

Aba bazungu bakigera muri America nabo bishe abaturage gakondo bahasanze bafata igihugu bakigira icyabo kugeza n'ubu.

Abatuye Leta zunze ubumwe za America 75% ni abazungu. 

3. Chile

Nayo  ni igihugu giherereye muri America y'Epfo, kizwi nk'Igihugu gifite inteko ishinga amategeko idakunze kumvikana na Perezida kuko ikunze kweguza Perezida uriho kenshi cyane. Chile kandi igizwe n'imisozi myinshi cyane,  ni igihugu giteye nk'urudodo kubera ukuntu giteye nkirambuye cyane.

Abazungu batuye Chile ni 88% bahageze bahasanga abaturage gakondo baho.

2.  Australia

Australia iherereye kumugaba wa Oceania. Ikaba ituwe n'Abazungu ku kigero kinini cyane kuko abazungu bayituye ari 92%, nayo umuntu udakurikira nta_nibaze impamvu yo Kuba Australia ituwe n'Abazungu benshi kurusha abo mu bwoko bw'aba Aboriginal ba kavukire baho (bo bahamaze imyaka irenga ibihumbi 60,000 bahatuye), Australia izwi ko ari igihugu cy'abazungu kandi bakigezemo bahasanga abaturage gakondo baho.

Bivugwa ko abazungu bakigera muri Australia bakoze itsembatsemba barikorera abaturage bahasanze bakabicamo benshi abasigaye n'abo bakaba barahahamutse, bakabana n'ubwoba kugeza n'ubu bukibarimo kubera ibyakorewe bene wabo batsembwe ku muvuduko munini. Australia nayo ikaba ituwe n'Abazungu bavuye ikantarange bakayishimuta kugeza n'ubu, ni igihugu kigaragazwa nk'Igihugu cy'abazungu.

1. Argentina

Argentina nicyo Gihugu kiza imbere mu guturwa n'Abazungu benshi hanze y'u Burayi. 

Abazungu batuye iki Gihugu batangiye kuhagera mu buryo bwo kuhatura mu kinyejana cya 17, Argentina na Brazil bacuze umugambi wo gutsemba Abirabura bagashiraho Burundu ku buryo Ibyo bihugu byombi bisigaramo abazungu gusa. Uyu umugambi Argentina yawushyize mu ngiro ariko Brazil yo ntiyabyitaho, Argentina kandi yashyizeho gahunda ku Bazungu yo kubyara abana benshi k'ubiraburakazi kugirango bagabanye umubare munini w'abirabura, ibi nibyo byagize Argentina igihugu kiza imbere y'ibindi mu guturwa n'Abazungu benshi hanze y'u Burayi. 

Hari ibihugu bitaboneka kuri Uru rutonde ariko nabyo bituwe n'Abazungu ku kigero cyo hejuru harimo nka Uruguay, news Zealand, Cuba, Peru,  Dominican Republic   n'ibindi.

Ngayo nguko. 

Kanda hano urebe ibihugu bituwe n'Abirabura benshi biri hanze ya Africa: https://isheja.com/ibihugu-10-byo-hanze-yafrica-bibarizwamo-abirabura-benshi-babituye-kubwimpamvu-zitandunye-ese-waba-hari-icyo-wari-ubiziho .

Iyi nkuru yo irakwereka uko Abirabura basigajwe inyuma muri Argentina: https://isheja.com/amateka-yahishwe-yabirabura-kavukire-bo-muri-argentina .