Abantu 170 bishwe n'igisirikare cya Ukraine bavumbuwe muri Lugansk._ISHEJA
Aba bantu bivugwa ko bishwe n'igisirikare cya Ukraine ni 170, basanzwe mu mva zitandukanye muri Repubulika ya Rubanda ya Lugansk.
admin
Imirambo y'abantu 170 yasanzwe mu mva i makeshift ho muri Repubulika ya Rubanda ya Lugansk, uruhande rw'u Burusiya ruvuga ko ari ingabo za Ukraine zabishe mu Cyumwe kimwe gishize zikabakusanyiriza mu mva mu gace ka makeshift.
Ukuriye Komite y'iperereza m'u Burusiya Alexander Bastrykin, yatangaje ko ishami rya Donetsk ripima uturemangingo ndangasano ryatangiye akazi karyo ko kumenya neza aba bantu, uko bishwe n'ibindi bigendanye n'iperereza.
Imirambo y'aba bantu bishwe na Ukraine nkuko bivugwa n'u Burusiya, yose yasanzwe kubutaka bwa Lugansk mu Cyumweru kimwe gishize. Bivugwa ko bari bashyinguwe mu mva zigera ku 101, ari abantu 171. Naho 131 muri aba bantu basanzwe muri izo mva babashije kumenyekana kuko bari batarangirika.
Ubu ikigo cyiga uturemangingo ndangasano cya Donetsk [ Donetsk branch of the Forensic Center ] cyatangiye akazi ko gukora iperereza ngo hamenyekane amakuru yisumbuye kuri abo bantu.
Ibikorwa nk'ibi byo kwica abantu benshi b'inzirakarengane, Ukraine ikunda kubikora igamije kubyegeka k'u Burusiya, nkuko bitangazwa n'Abantu bamwe bo m'u Burusiya. Ariko no kuruhande rwa Ukraine naho bavuga ko ari Abarusiya babikora bagamije gusiga icyasha ingabo za Ukraine.
Ubwicanyi bwaherukaga gukorwa gutya muri Ukraine, bugateza impagarara cyane ku Isi yose, ni ubwa Bucha. Impande zombi zirwana zitanye ba mwana zivuga ko uruhande bahanganye ari rwo rwishe abantu aha i Bucha. Ariko aba biciwe i Bucha bishwe ingabo z'u Burusiya zimaze kuhivana.
