Ukraine yishe General w'u Burusiya._isheja
Aya makuru atangiye guhwihwiswa muri aya masaha.
Hunter Numu Pac 
Aya makuru yasakaye avuye imbere m'u Burusiya, aho ibitangazamakuru byaho byanditse ko bishoboka cyane ko umwe muba General mu ngabo z'u Burusiya yaba yiciwe mu bitero bya Ukraine ku i Taliki 12, Kamena 2023.
Iki gitero bivugwa ko kiciwemo uyu mu General Sergei Goryachev mu ngabo z'u Burursiya ngo cyagabwe hifashishijwe za missiles, uyu mu General yari ayoboye ingabo mu gice cya 35 kiri mu mirwano kubutaka bwa Ukraine.
Biravugwa ko Commander Major General Sergei Goryachev, ngo yari umusilikare ukomeye cyane kandi wari uzi kuyobora urugamba, ibitero bye bikagera kuntego. Sergei Goryachev bivugwa ko yishwe na Missiles zikomeye ziheruka gutangwa n'igihugu cy'Ubwongereza zitwa shadow Cruise missiles. Bivugwa ko yaguye i 'Vremivka Ledge' mu Amajyepfo ya Donetsk, ahari kubera ibitero bikomeye byo kwigaranzura ingabo z'u Burusiya. Bibaye aribyo Major General Sergei Goryachev yaba abaye umusilikare mukuru wa 4 wo kurwego rwa General uguye muri Ukraine.
Ukraine iravuga ko yagabye ibitero simusiga muri aka gace ka Donetsk kandi ko byageze kuntego kuko yabashije kwigarurira uduce 4 turi kubuso bwa kilometero 90 zose. Ibi ni ibitangazwa na Minisitiri w'ingabo wungirije wa Ukraine 'Hanna Vasylivna Maliar', yabitangaje abinyujije kuri Telegram.
Kuruhande rw'u Burusiya ho ntibaremeza aya makuru cyangwa ngo bayahakane, ahubwo Minisiteri y'ingabo iratangaza ko Ukraine ikomeje guhombera cyane muri ibi bitero byo kwigaranzura Uburusiya. Shoigu na Putin batangaza ko Ukraine iri kuburira abasilikare benshi kurugamba ndetse igatakaza n'ibikoresho byinshi.
