Amakuru ateye ubwoba, Uburusiya buravuga ko Minisitiri w'Ingabo za USA yiciwe i Kyiv.ISHEJA

Minisitiri w'Ingabo za Leta zunze ubumwe za America Lloyd Austin, biravugwa ko yiciwe muri Ukraine ku Italiki 3 z'uku kwezi ubwo yari mu ruzinduko rw'akazi i Kyiv ku murwa mukuru wa Ukraine.

Bivugwa ko yaguye mu bitero bya Misile zo mu bwoko bwa Cruise. Ibi bisasu bivugwa ko byatewe kubuvumo bw'umutamenwa bwari mo Lloyd Austin ndetse na Lt. General Valerii Zaluzhnyi umugaba mukuru w'ingabo za Ukrane, bari bahuriye muri ubwo buvumo mu nama barimo bagirana bombi.

Hari andi makuru avuga ko Lloyd Austin yaba ari mu bitaro, aho amaze icyumweru cyose yivuza kandi yitabwaho n'abaganga ku buryo bukomeye.

Iraswa rya Lloyd Austin nubwo ritavugwaho rumwe, umwe mu bakorera FsB ibiro by'ubutasi by'aba Rusiya bivugwa ko yatanze aya makuru, 

Yongeyeho ko ibi biro by'ubutasi by'aba Rusiya FsB bimaze igihe kinini bigenzura ibyo Lloyd Austin yikora byose ndetse n'ingendo zose akorera imbere no hanze ya USA , Ngo gukurikirana uyu mukuru w'ingabo muri Leta zunze ubumwe za America byatangiye mu mwaka ushize wa 2023. Bivugwa ko Lloyd Austin yaba yararashwe ubwo yaravuyu muri Polonye ajya muri Ukraine inshuro 8 mu mwaka ushize wa 2023 ariko akarokoka ayo masasu.

Mu kwezi k'Ugushyingo 2023 kandi byavuzwe ko itsinda ridasanzwe ryo Mu ngabo z'Uburusiya rizwi nka Spetznas ryabashije kumenya ko Lloyd Austin na Zelenskyi bazahurira ku murwa mukuru wa Ukraine i Kyiv, bagategura umugambi wo kubahitana bombi uko ari 2 ariko umugambi ukaza kuburizwamo kumunota wa nyuma. Aba basore bo mu ngabo zidasanzwe z'Uburusiya Spetznas ngo bari babashije gucengera binjira neza aho aba bategetsi bari bari ariko babuzwa kubarasa ku munota wa nyuma, impamvu babujijwe kurasa nti yampenyekanye.

Lloyd Austin, icyari kimujyanye muri Ukraine ngo kwari ukuganira uko Ukraine yakomeza guhabwa intwaro no kurebera hamwe uko hatangira gukoreshwa Drones mu ntambara iri guhuza Uburusiya na Ukraine.

Bikomeza bivugwa ko aho Lloyd Austin na Lt. Gen Zaluzinhyi bari bari harashwe Misile zo mu bwoko bwa Cruise 20 zose, zikaba arizo zarimbuye ubuvumo aba bombi barimo.Uwatanze aya makuru wiswe Zakharov yemeza ko koko Lloyd Austin yapfiriye muri iki gitero kuko ngo atari kukirokoka bibaho.

N'ubwo ibi bivugwa n'uruhande rw'Uburusiya, Leta ya America irabihakana ikavuga ko Zakharov ari kwamamaza amanjwe muri rubanda nkana.

N'ubwo rwose ibi bivugwa bitya mu bitangazamakuru, bijya bibaho ko izi nkuru zimeze zitya zisohorwa nkana n'inzego z'iperereza kubw'impamvu zazo bwite zitamenyekana. Kandi FsB iza imbere mu gukwirakwiza inkuru nk'izi nyinshi ifite icyo igamije.

Isheja Media House ntiyemeza aya makuru cyangwa ngo iyahakane.