Ibihugu 10 byo hanze y'Africa bibarizwamo Abirabura benshi, babituye kubw'impamvu zitandunye. Ese waba hari icyo wari ubiziho?.

Ibi byakozwe igihe, kugera igihe Ubucaka buviriyeho, abirabura bahabwa uburenganzira bucagase muri Ibyo Bihugu bari barajyanywemo.

Bamwe nyuma yo kwigenga bagarutse/ bagarurwa muri Africa ahazwi cyane batuye kugeza n'ubu abo Birabura bakomotse kubabyeyi bari Abacakara ni mu Gihugu cya Liberia (iki kitigeze gikoronezwa kubera ko ubukoroni bwatangiye baragarutse kandi bo bari basobanukiwe abazungu baranabashije kwiga bamenya ibyerekeye n'uburenganzira bwabo ntabwo byari gukunda kubakoroneza rero).

Izi mpamvu zatumye  Abirabura bajyanwa bunyago mu Bihugu byo hanze ya Africa n'izo zaremye Umuryango mugari w'Abirabura hanze y'Africa. Aha twabibutsa ko mbere yo gutangira gucuruzwa kw'Abirabura bikozwe n'abo ku Burayi mbere yaho, Abarabu n'abo bajyanaga Abirabura mu Bihugu byabo (m'Uburasirazuba bwo hagati) no muri Aziya kubagurishayo  hagamijwe kubacakaza no gukoreshwa imirimo y'agahato. Aya mateka ntabwo ajya avugwa ariko yabayeho, Abirabura rero nayo mukwiye kuyamenya. 

Ku rundi ruhande hari abirabura bijyanye hanze y'Africa bagamije kuhatura, kuhashaka akazi ndetse n'ibindi bibajyana aba nabo rero bari muri iyo mibare y'Abirabura batuye mu Bihugu byo hanze y'Africa. 

Ibi n'ibyo Bihugu byo hanze y'Africa bituwe n'Abirabura benshi kurusha ibindi. 

10. Ubwami bw'abongereza. 

UK n'Igihugu cy'Abazungu ariko gituwe n' Abirabura benshi cyane, ku kigero cya 2.5 by'Abaturage b'Abongereza n'Abirabura, ubwo ni Miliyoni 2.4  z'Abirabura batuye m'u Bwongereza nk'Abongereza.

Uy'umubare ukaba ari munini kuko Ubwongereza bubarwa nk'Igihugu cy'Abazungu. Aba birabura bagiye bahagera muri ziriya nzira ziri hejuru mu nkuru.

Abirabura benshi batuye i London bafite ibisekuru by'Abirabura bakunze kwitwa cyangwa kwiyita The old diaspora, mu gihe abajyanwayo n'izindi mpamvu mbese bagiyeyo mu bihe bya vuba bitwa aba New diaspora. Abirabura babarizwa hose m'Ubwongereza.

9. Mexico

Iki Gihugu kibarizwa k'Umugabane wa America, kikaba giherereye muri America yo hagati aho gihana imbibi na Leta zunze ubumwe za America mu m'Amajyaruguru ndetse na Belize hamwe na Guatemala mu m'Amajyepfo,  m' Uburasirazuba bwacyo hari inyanja ya Atlantique naho m'Uburengerazuba hakaba inyanja ya pacifique.

Mexico ikaba ituwe n'Abirabura bangana na Miliyoni 2.5, aba bangana na 1.98 by'Abaturage bose batuye iki Gihugu cya Megizike. 

Abirabura batuye Megizike bakomoka k'Ubirabura bajyanywe bunyago mu gihe cy'Ubucakara, bazwi nkaba Afro Mexican. 

8. Jamaica / Jamayika 

Jamayika iherereye mu inyanja nto ya Caribbean, ikabarizwa  m'Uburasirazuba bwa Mexico, Belize na Honduras igaturana kandi na Haiti na Cuba ndetse na Repubulica y'Abadominikani. 

Muri aka gace ka karayibe ( Caribbean) mu gihe cy'Ubucakara hanyuzwaga Abirabura mbere y’uko bagezwa mu bindi Bihugu byo muri America. Iyi ikaba inkomoko y'Abirabura benshi bahabarizwa, kuko ibihugu hafi ya byose byaho bituwe n'Abirabura kandi benshi. 

73.8 by'Abaturage bo muri Jamayika n'Abirabura, bakaba bazwi nk'aba Afro Caribbean. Mu Baturage batuye Jamayika miliyoni 2.8 abangana na Miliyoni 2.4 n'Abirabura. 

4. Venezuela 

 4% by'abatuye Venezuela n'Abirabura, benshi bafite inkomoko k'Ubasekuruza babo bajyanywe bunyago mu gihe cy'Ubucakara.

Venezuela ikaba ihana imbibi na Colombia, Brazil ndetse na Guyana, Amajyaruguru y'uburasirazuba bwayo akora ku injanya ya Atlantique. N'Igihugu kibarizwa muri America y'Epfo, kikaba cyarajyanwemo Abirabura barenga 100,000 mu gihe cy'Ubucakara.

6. France / Ubufaransa

Mu 1999, Abirabura babarurwaga muri iki Gihugu cy'u Bufaransa bari Miliyoni 1.1. Ibarura ryakozwe  muri 2020 ryagaragaje ko m'u Bufaransa hari Abirabura Miliyoni 2.2 bose, ubu bakaba bariyongereye cyane bagera kuri Miliyoni 5 zose muri uyu mwaka wa 2023.

Abirabura ba mbere bageze m'u Bufaransa mu kinyejana cya 16, bajyanywe n'Abafaransa bari abacuruzi.

Ubufaransa bubarizwa k'Umugabane w'Uburayi.

5. Colombia 

Abirabura batuye muri Colombia ubu ni 36% by'Abaturage bose batuye iki Gihugu, benshi muri bo bakomoka ku babyeyi bakoze ubucakara muri iki Gihugu.

Colombia ibarizwa muri America y'Epfo.

4. Dominican Republic / Repubulika y'Abadominicani

N'igihugu giherereye mu birwa bya Karayibe ( Caribbean Islands).

80% by'Abaturage batuye iki Gihugu barirabura bakomoka hano muri Africa.

3. Haiti / Hayiti 

Haiti  n'ikirwa gihereye muri Karayibe, kikaba cyenda kungana n'u Rwanda m'ubuso, ariko kiruta u Rwanda ho gato kuko cyo kingana na 27,750 km2.

Haiti ituwe n'abaturage Miliyoni 11, muri bo 95% n'Abirabura bafite inkomoko muri Africa.

Iyi mibare ishyira Haiti mu Bihugu by' imbere mu gucumbikira Abirabura benshi  hanze y'Africa.

Iki Gihugu cya Haiti, ni cyo cya mbere cyabonye ubwigenge gikuye ku Bazungu, Abirabura baho barwanyije abazungu barabatsinda. Baza kugera k'ubwigenge mu kwezi kwa Kanama 19, 1791, bihita bigihesha Kuba aricyo Gihugu cya mbere gituwe n'Abirabura kibonye Ubwigenge mbere y'ibindi byose. Icyababake abazungu ni uko Abirabura bo muri Haiti batsinze abazungu kandi ari abacakara, atari ba kavukire bo muri Haiti. 

Haiti kandi izwiho ko ari cyo Gihugu cyabashije gutsinda umwami w'abami Napoleon Bonaparte w'Abafaransa mu ntambara y'imbona nkubone, kuri iki kirwa Napoleon yahatsindiwe nabi cyane n'Abirabura ataha yimyiza imoso, ariko n'ibintu abazungu bahisha Abanyafulika cyane mu rwego rwo kwanga igisebo. 

Urugamba rw'Abirabura mu kurwanira ubwigenge bwabo rwamaze imyaka 12, amezi 4, icyumweru 1, n'imitsi 4.

2. Leta zunze ubumwe za America 

Abirabura kavukire muri iki Gihugu nabo bakomoka kuri bene wabo bajyanywe bunyago mu gihe cy'ubucakara. Ariko hari n'abandi bagiyemo nyuma muri gahunda zitandukanye bakabyarira yo, bagatura, bagasazira yo ubu abana babo bakaba ari ba kavukire muri iki Gihugu. 

Leta zituwe n'Abirabura benshi muri America harimo nka: Mississippi, Louisiana, Georgia, Alabama na Texas ifite umubare munini w'Abirabura ugera kuri Miliyoni 3 zose. Naho Leta zo muri America zituwe n'Abaturage bake birabura harimo Montana, Wyoming na Maine. 

Ubu muri Leta zunze ubumwe za America habarurwa abaturage birabura barenga Miliyoni 40, zose bangana na 13.6 by'abatuye USA yose. 

1. Brazil 

Igihugu cya Brazil kizwi cyane mu Mupira w'amaguru, imigeri ya kapowera n'umukino w'amaboko ukinirwa k'umucanga. 

Brazil ihereye muri America y'Epfo, Aha hajyanywe Abirabura benshi cyane kuko muri icyo gihe hari imirima migari y'ibisheke ndetse n'icyayi yari ibategereje ngo bayirimagure kubw'inyungu z'Abazungu bashakaka gucuruza isukari n'icyayi iwabo k'Uburayi dore ko ariyo byari bicyaduka biharawe iwabo cyane. Aha hatundiwe Abirabura benshi bakoraga iyo mirimo kongera ho no gucukura amabuye y'agaciro. 

Brazil ikaba ariyo mu rugo rw'Abirabura benshi babarizwa mu Bihugu bitari ibyabo nk' inkomoko, ubu Brazil icumbikiye Abirabura Miliyoni 55.9 bose, bikayigira igihugu cya mbere gifite Abirabura benshi ariko cyo hanze ya Africa. 

Ibi n'ibyo Bihugu bibamo Abirabura benshi ariko hanze ya Africa, bahageze muri buriya buryo twabonye hejuru ndetse hari n'abagiye gufasha Abazungu kurwana mu ntambara zitandukanye biza kurangira nabo bigumiye iyo. 

Mu nkuru izakurikira iyi mu bihe biza tuzababwira no ku Bihugu bituwe n'Abirabura bake kurusha ibindi hanze ya Africa. 

Kanda hano umenye inkuru y'abirabura batavugwa/basigajwe inyuma batuye muri Argentine:  https://isheja.com/amateka-yahishwe-yabirabura-kavukire-bo-muri-argentina.