Umu General wa 2 ukomeye m'u Burusiya aburiwe irengero. _ISHEJA

Bamwe mu ba Generals bivugwa ko bari bashyigikiye umugambi wa Prigozhin wo guhirika ubuyobozi bw'ingabo mu Burusiya batangiye kuburirwa irengero, nkuko bitangazwa na CIA, ivuga ko bamwe mu bantu Bari bifatanije cgangwa se bazi uyu mugambi ariko bagaceceka ntibabimenyeshe inzego bireba, batangiye gushimutwa.

Uwo CIA ivuga ko yatawe muri yombi n'urwego rw'iperereza rwo m'u Burusiya ni Sergey Vladimirovich Surovikin, iravuga ko yaburiwe irengero akimara gushyira amashusho hanze asaba Prigozhin na Wagner muri rusange kureka Ibyo barimo bagasubira inyuma.

Kuva icyo gihe ku wa Gatandatu kugeza uyu munsi ngo ntarongera kugaragara mu ruhame. Bigakekwa ko yaba ari guhatwa ibibazo nkuko CIA ibivuga. Umwana w'uyu mu general ariko we arahakana Aya makuru, avuga ko se ari mu kazi kandi ko ameze neza, agakomeza avuga ko adakunze kujya mu itangazamakuru gusubizanya na ryo. 

Undi musilikare mukuru umaze igihe atagaragara mu ruhame ni umugabo mukuru w'ingabo z'Uburusiya, General Valery Gerasimov nawe bivugwa ko kuva aho imyigaragambyo ya Wagner itangiriye nta wongeye kumuca iryera kandi ko abamushaka kuri Telefoni batamubona ndetse n'abamurinda ntibari kuboneka ku MA telefoni yabo. 

Aba basilikare 2 bakuru bivugwa ko baburiwe irengero kuva mu Cyumweru gishize n'ingenzi mu Gisilikare cy'uburusiya kandi bafite ubunararibonye kubera ingamba bagiye barwana kandi bakazitsinda. 

N'ubwo ibi bivugwa n'abo m'Uburasirazuba ariko inzego zo hejuru mu Burusiya zo zirahakana aya makuru, zikabwira abantu ko Perezida Putin nta mugambi afite wo Guhindura inzego muri iki gihe, ko abo bavugwa ko baba baraburiwe irengero cyangwa se barashimuswe na FsB ko ari ibinyoma, ahubwo ko bari mu kazi kandi bari kugakora neza.