Ubutasi bw'Ubuholandi bubangamiwe n'Uburusiya ndetse n'Ubushinwa.

Ubu butasi ngo bukorwa hakoreshejwe inzira nyinshi harimo ibitero by'ikoranabuhanga byibasira Ubuholadi ndetse n'intasi zoherezwa m'u Buholandi mu gushaka amakuru yerekeranye n'iki Gihugu.

Ubutasi bw'u Buholandi buratangaza ko Uburusiya bukorera Ubutasi muri iki Gihugu kugirango bubashe kugera kuntego zabwo neza, zitatangajwe neza muri iy'inyandiko.

Buratangaza kandi ko ibi bikorwa hagamijwe kuzambya inyungu z'u Buholandi imbere mu Gihugu.

Ubutasi bw'u Buholandi AIVD,  buravuga kandi ko Uburusiya bukoresha intwaro y'ingufu (Amashanyarazi, gaz, na peteroli) mu kuzambya imigambi yo m'Uburengerazuba, no guhungabanya Ubukungu bwo m'Uburengerazuba.

Ibi bitero bya Cyberattacks, espionage na Digital espionage n'ibyo biza imbere kubigabwa k'Ubuholandi, hagamijwe kuzambya imishinga y'imbere mu Gihugu cy'Ubuholandi mu gushegesha iki gihugu kugirango Uburusiya bugere kuntego zabwo nkuko bitangazwa mu nyandiko yashyizwe hanze kuri uyu wa mbere.

Iyi nyandiko kandi iragaragaza ko Ubuholandi bwirukanye Abarusiya 17 bakoraga muri Ambasade y'Uburusiya muri iki Gihugu bashinjwa kwijandika mu bikorwa by'Ubutasi bakoreraga igihugu cyabo cy'Uburusiya babikorera k'ubutaka bw'u Buholandi. 

Ibi byabaye mu kwezi kwa Gashyantare mu mwaka ushize wa 2022.

N'inyandiko kandi igaragara ko Ubuholandi bwabashije gufata intasi z'Uburusiya zari zatoranyijwe n'Uburusiya ngo zige gukorera ku Rukiko mpuzamahanga mpanabyaha (ICC) ngo ni umugambi waburijwe, w'izi ntasi zari ziyoberanyije.

Inyandiko yashyizwe hanze uyu munsi iragaragaza ko Ubushinwa bukoresha intasi zikora ubucuruzi ndetse n'abakora ubushakashatsi bunyuranye, Ubushinwa  bugamije gukora ibikorwa by'ubutasi mu Gihugu cy'Ubuholandi, izo ntasi z'u Bushinwa ngo ziba zifite abafatanyabikorwa bo mu Buholandi kandi bakomeye mu by'ubucuruzi.

Ibi rero ngo bikaba ari icyago k'ubukungu bw'iki Gihugu.

Ibikorwa by'ubutasi bikorwa n'Uburusiya bikaba byarakajije ubukana mbere gato yuko Uburusiya butangiza ibikorwa bya gisilikare bidasanzwe muri Ukraine, kuva aho bitangiriye byongereye ubukana mu Bihugu byose bigize Ubumwe bw'Uburayi, kugeza aho muri Ibi Bihugu hagiye hafatwa Abanyagihugu benshi bishyurwa n'Uburusiya ngo bubahe amakuru cyane abokora mu gisilikare ndetse naza Amabasade.

Uburayi buheruka gutangaza ko ibikorwa nk'ibi by'ubutasi byashyizwe ku yindi ntera bisumbye mu gihe cy'intambara y'Ubutita, bakaburirana bavuga ko bagomba gukaza umutekano no gukanura cyane hagamijwe gutahura abagambanyi babarimo baha amakuru uruhande rw'umwanzi.