Umukuru w'ingabo za Ukraine Valeriy Zaluzhny yararashwe Ukraine irabihisha, menya uko bimeze.

Aya makuru yatangiye guhwihwiswa mu minsi mike ishize, avuye m'u Burusiya avuga ko umukuru w'ingabo za Ukraine Gen. Valeriy Zaluzhny ko yaba yararasiwe mu bitero ingabo z'u Burusiya zamugabyeho.

Biravugwa ko Valeriy Zaluzhny amerewe nabi cyane kandi arembye nyuma yo gukomerekera mu bitero byatunguranye bikamugabwaho, bikozwe n'ingabo z'u Burusiya muri uku kwezi.

Ibitangazamakuru byo m'u Burusiya biratangaza ko Umugaba mukuru w'ikirenga w'ingabo za Ukraine ko yaba yaratakaje ubushobozi bwose bwo kuyobora ingabo za Ukraine, bikomeza bivuga ko yataye ubwenge kandi yahungabanye cyane bitewe n'ibi bitero bikomeye byamugabweho bimutunguye, iri hungabana Gen. Valeriy Zaluzhny yagize bivugwa ko ryaturutse kubikomere byo mumutwe yatewe n'ibiturika by'ingabo z'u Burusiya.

Valeriy Zaluzhny ngo yaba yararasiwe hafi ya Kherson mu ntangiriro z'ukwezi kwa Gicurasi, ngo ingabo z'u Burusiya zamurashishije Misile nyinshi bimuviramo guhungabana no gukomereka bikomeye, kubice by'umubiri bitandukanye.

Valeriy Zaluzhny kuva icyo gihe yahise abura mu ruhame bitewe n'ibyo bikomere yagize byo mumutwe ndetse n'ahandi kumubiri, bivugwa ko izo misile z'u Burusiya zari zigamije gusenya ahatangirwa amabwirizza ya Gisirikare ( Command Post ).

Ibyo bikimara kuba Gen. Valeriy Zaluzhny ngo yahise yihutanwa ajyanwa mu Bitaro bikuru bya Gisilikare biherereye kumurwa mukuru i Kyiv, aho yahise atangira kwitabwaho bikomeye n'abaganga.

Abaganga batangaje ko Valeriy Zaluzhny azakomeza kubaho ariko ko bitakunda ko yakomeza gutanga amabwiriza nk'umukuru w'ingabo, Valeriy Zaluzhny afite imyaka 49.

Valeriy Zaluzhny ngo byaba byaragoranye y'uko yakira kubera ko yarasanzwe afite izindi ndwara zikomeye nka Diabetes.

Aya makuru arahakanwa n'ubutegetsi bwa Ukraine ndetse na Perezida Zelensky avuga ko Valeriy Zaluzhny akomeye ntacyo yabaye, ubutegetsi bwa Ukraine buvuga ko ari ibihuha bigamije guca intege Ingabo za Ukraine, bukavuga ko byakozwe n'u Burusiya nkana kugira ngo buce intege ingabo za Ukraine zarimo zirwana muri Bakhumut.

Valeriy Zaluzhny ni umuntu wa hafi ya Perezida Zelensky kandi yari ashyigikiye cyane ko Ukraine yakwigaranzura Uburusiya bukavanwa k'ubutaka bwa Ukraine.