Impungenge ku Bihugu byo muri Baltic, kubera Ubutasi bw'Uburusiya.

Ubutasi bw'u Budage n' u Bwongereza bwatangaje ko bwabashije kubona indege z'u Burusiya mu gice cy'inyanja ya Baltic, kuri uyu munsi wo ku wa Gatatu.

Mu ndege zagaragaye mu kirere cya Baltic harimo 2 za SU-27 zikaba indege z'indwanyi cyane z'igisilikare cy'u Burusiya, indi imwe ni iyo mu bwoko bwa IL-20 (IIjuschin 20) zose z'u Burusiya. Ubutasi bw'u Bwongereza n'u Budage bwatangaje ko izi ndege zinjiye mu kirere mpuzamahanga cy'iy'Inyanja ya Baltic, zinjiyemo ibyuma byazo bya transponder bitanga signals ko hari indege mu kirere bizimije.

Ubutasi bw'u Budage bufite inshingano zo kugenzura ikirere cya Baltic, ni igece bugenzura ku mabwiriza ya NATO nk'umunyamuryango wayo.

Kuva aho ibitero bidasanzwe bya Gisilikare by'u Burusiya bitangirijwe muri Ukraine, NATO yongereye umutekano wo mu gice cya Baltic kubera kwikanga ko Uburusiya bwahifashisha buhungabanya Uburayi cyangwa bukaba bwahakoresha bugaba ibitero ku bikorwa remezo by'Ibihugu by'u Burayi bihabarizwa.

Ibikorwa bisa n'ibi Uburusiya ngo bukunda kubikora cyane mu kirere cy'iy'Inyanja nto ya Baltic, nkuko bitangazwa na NATO.

Inyanja ya Baltic, iherereye he?

Ni Inyanja iherereye mu m'Amajyaruruguru y'u Burayi yinjira imbere m'Umugabane w'u Burayi, aho ikora ku Bihugu bya Baltic harimo Denmark, Estonia, Finland, Ubudage, Lativia, Lithuania, Poland, Sweden n'Uburusiya.

Iyi Inyanja kandi ikora ku Birwa byinshi biherereye mu gice cya Baltic, ikaba ifite ubuso bungana  na Kilometero2   377,000.