Abaturage bo muri Turkiye baramukiye mu matora yo kwihitiramo Perezida wabo.
Uyu munsi ibyo muri Turkiye birasobanuka, amatora ikiciro cya 2. kuri iki Cyumweru nibwo muri Turkiye batora Perezida wabo ku nshuro ya Kabiri.
Hunter Numu Pac 
Amatora y'ikiciro cya 1 muri Turkiye yabuze uyatsinda ngo agire 51%, biba ngombwa ko hategurwa ikiciro cya 2 nkuko itegeko ribivuga.
Ejo nibwo hazamenyekane utsinda aya matora hagati ya Recep Tayyip Erdgoan na Kemal Kilicdaroglu, aba bagabo bose baka ari abantu bakomeye muri Politike ya Turkiye, ibi bigaragazwa n'amajwi bagize bombi mu kiciro cya mbere aho yari yegeranye cyane.
Erdogan yasabye abanyagihugu ba Turkiye kuzakora amahitamo nyayo kubuzima bwabo, abasaba gukora amahitamo azaha ineza abana babo ndetse n'Igihugu cyabo mu bihe biri imbere.
Kilicdaroglu we arasaba Abaturage ba Turkiye guhitamo neza hagati y'abakandida 2, bagatora neza uko babyumva.
Erdogan mu matora y'ikiciro cya mbere yari yagize 49.4%, mu gihe uwo bahanganye Kilicdaroglu we yagize 45%. Mu matora yabanje, ikiciro cya mbere cyabaye ku i Taliki 14 Gicurasi, 2023.
Aya matora aratangira ku isaha ya saa 8:00 z'igitondo zo muri Turkiye arangire ku isaha ya saa 5:00 zo kumugoroba. Udusanduku 191,884 nitwo turi bwifashishwe mu matora imbere mu Gihugu ndetse no hanze yacyo.
Ibiro bishinzwe amatora muri Turkiye byatangaje ko amajwi yagateganyo azatangazwa ku i Taliki 29 u kwezi, naho uwatsinze amatora agatangazwa kumugaragaro ku i Taliki ya 1 Kamena , 2023.
Soma inkuru yabanjirije iyi ku matora yo muri Turkiye uciya aha.
