Ibyavuye mu matora muri Turkiye,biteje inkeke Recep Tayyip Erdgoan ushobora gutsindwa amatora.

Erdogan yagize 49.35%,  Kilicdaroglu we agira 45%. Aya majwi yatangajwe nyuma yo kubara amajwi yose 100%.

Aba bagabo bombi nibo bari bahanganye cyane muri aya matora kurusha abandi, abaturage ba Turkiye bakomeje kugaragaza ko bashaka impinduka, bashaka ko Perezida Erdogan yagenda agasimburwa n'undi  kuko amaze igihe k'ubutegetsi, ariko Erdogan we ntiyiteguye kugira aho ajya.

Uwo bahanganye  Kilicdaroglu ni umugabo utoroshye muri Politiki ya Turkiye, uyu yatanzwe n'Amashyaka yishyize hamwe kugira ngo haboneke uko Erdogan yavanwa k'ubutegetsi.

Kilicdaroglu ni umugabo abanya Turkiye beretse ko bakunze cyane kandi bamwumva mu gihe cyo kwiyamamaza kugera n'ubu mu matora. Kemal Kilicdaroglu akaba yagize amajwi 45% yose mu gihe Erdogan yabashije kugira 49.35%, ukurikije ubuhangange bwa Erdogan umaranye ubutegetsi imyaka 20  na Kemal Kilicdaroglu, iki kigereranyo ni gito cyane, kerekanye ko ahubwo bishoboka ko yanamutsinda.

Gutangaza amajwi byakozwe kuri uyu wa Mbere kuri TRT TV,  uwaje ku mwanya wa Gatatu mu kugira amajwi menshi ni Sinan Ogan wa amashyaka yishyize hamwe ATA we yagize 5.22%,   Muharrem Ince we yagize 0.43%. 

Ibiro bishinzwe amatora muri iki Gihugu biratangaza ko byatesheje agaciro amajwi arenga Miliyoni, y'Abantu batoye nabi cyangwa bagatora uko bidakwiye. Iri tesha gaciro ryahise rihindura imibare y'abatoye neza, 88.84% by'ababashije gutora ku buryo buboneye.

Utorwa akemerwa nka Perezida wa Turkiye, bimusaba kugira amajwi 50% wongeyeho ijwi 1 kuzamura. Bitagenze gutyo amatora akomeza gusubirwamo inshuro zose byasaba kugira ngo haboneke uwuzuza ibisabwa ari byo kugira 50% + 1.

Aya matora ahanganishije Recep Tayyip Erdgoan n'umukandida ukomeye Kemal Kilicdaroglu.

Kemal Kilicdaroglu, bivugwa ko ashyigikiwe n'abo m'Uburengerazuba bw'Isi mu gihe  Recep Tayyip Erdgoan ashyigikiwe n'u Burusiya. kandi bikomeje kuvugwa ko Abarusiya bari kwivanga mu matora kugira ngo Recep Tayyip Erdgoan  yongere abe Perezida wa Turkiye, byakomeje kuvugwa ko Abarusi bari kuyivangamo nkuko bivanze mu matora ya Leta zunze ubumwe za America mu gihe bagezaga Trump k'ubutegetsi.

Uburusiya buri kwivanga muri aya matora kugira ngo basubize ubutegetsi Recep Tayyip Erdgoan  kuko abafatiye runini muri kariya gace Turkiye iherereyemo kandi hari byinshi yumvikana n'u Burusiya. Ibi ariko Kremlin irabihakana ikavuga ko ari ibihuha.

Bivugwa kandi ko Kemal aramutse atsinze hari byinshi yahindura muri iki Gihugu kugeza no kuba yakoranira bya hafi cyane n'Uburengerazuba.

Umukandinda utsinda amatora n'utorwa ku kigero cya 50%, niwe uhita uba Perezida nta yandi mananiza. Mu gihe ntawageza amajwi 50% amatora arongera agasubirwamo kugeza igihe habonekeye ukwiza 50% n'ijwi 1.

Amatora ku nshuro ya 2 azaba muri uku kwezi Taliki 28.