Perezida Kagame yakoze impinduka mu Gisilikare zatunguranye. Isheja

Aba bayobozi b'ingabo bavuye kumirimo yabo basimbujwe abandi bahise batangira imirimo yabo.

Juvenal Murizamunda, yagizwe Minisitiri w'ingabo. Marizamunda yasimbuye Maj Gen. Murasira, wari uri kuri uyu mwanya kuva Mukwakira 2018.

Marizamunda yari asanzwe akuye urwego rukuru rw'igorora RCS, umwanya yagiyeho 2021 avuye muri Polisi y'Igihugu. Yahoze ari umusilikare aza kwimurirwa muri Polisi muri 2014, icyo gihe yari Lt Col.

Lt Gen. Mubarakh Muganga, agirwa umugaba mukuru w'ingabo. Lt Gen. Mubarakh Muganga wagizwe umugaba w'Ingabo z'u Rwanda yari asanzwe ari umukuru w'Ingabo zirwanira kubutaka.

Lt Gen. Mubarakh Muganga, yasimbuye Gen Jean Bosco Kazura wagiye kuri uyu mwanya mu 2019.

Umwanya w'umugaba w'ingabo zirwanira kubutaka wahise uhabwa Maj Gen. Vincent Nyakarundi, Nyakarundi yari asanzwe ari umuyobozi w'urwego rushinzwe ubutasi bwa Gisilikare. Yahise asimburwa byagateganyo na Col. Francis Regis Gatarayiha, Gatarayiha yari asanzwe yungirije Maj Gen. Vincent Nyakarundi.

 Col. Francis Regis Gatarayiha, mbere yaoboraga urwego rw'abinjira n'abasohoka m'u Rwanda.

Col. Theodomir Bahizi, yagizwe ushinzwe ibinye n'urugamba mu ngabo z'u Rwanda ziri muri Mozambique.

Maj Gen. Alex Kagame yagizwe umuyobozi w'ibikorwa by'inzwgo z'umutekano muri Mozambique, asimbura Maj Gen. Eugene Nkubito wagizwe umuyobozi wa Division 3 ya RDF, ikorera m'Uburengerazuba bw'u Rwanda.

Lt Col. Austin Migabo, yazamuwe mu ntera ahabwa ipeti rya Colonel, agirwa umuyobozi w'ungirije w'umutwe udasanzwe w'ingabo zidasanzwe [ Special Force Command ].

Urwe rw'igorora rwahawe umuyobozi mushya Brig Gen. Evariste Murenzi, wasimbuye Marizamunda.

Brig Gen. Evariste Murenzi, yari asanzwe ari umuyobozi wa Divisiyo ishinzwe ibikorwa byihariye.

Bwana Jean Bosco Ntibitura, yagizwe umuyobozi mukuru w'urwego rushinzwe iperereza n'umutekano w'Igihugu [ NISS], urwego rushinzwe umutekano w'imbere m'u Gihugu. Ni umwanya wahozemo Gasana Alfred wagizwe Minisitiri w'umutekano mu 2021.