America yashyize ibisasu bya nuclear m'Uburasirazuba bwo hagati, hafi ya Iran.

Ibi bisasu kirimbuzi n'ibyo mu bwoko bwa Cruise Missiles birasirwa k'ubwato bugendera munsi y'amazi ( submarine), Ibi America yakoze byazamuye umwuka mubi  (n'ubundi utari umeze neza) hagati ya yo na Iran itifuza ko yavogerwa bene ako kageni.

America iratangaza ko yashyize ubu bwato bwayo bugendera munsi y' amazi muri aka gace kugirango yizere umutekano w'ingabo zayo zirwanira mu mazi zibarizwa mubirindiro ihafite. 

Umwuka mubi hagati y'ibi bihugu byombi watangiye gufata indi ntera ubwo Iran yarasaga ibindiro by'Abanyamerika biri muri Syria hagapfa umuntu umwe, America nayo ikihimura irasa ibikorwa bya gisilikare bya Iran biri muri Syria ikica umunya Iran.

Ibitero byo kuruhande rwa Iran bikaba byarakoreshejwemo indege itagira umupilote (drone), Leta ya Iran ikaba yararuciye ikarumira, ntacyo yatangaje kuri Ibi bitero ishinjwa na Leta zunze ubumwe za America. 

Ubu bwato America yashyize muri aka gace bukaba bufite ubushobozi bwo gutwara no kurasa ibisasu byo mu bwoko bwa Tomahawk 154, Ibi bisasu bifite ubukana bukomeye bwo gusenya bigenda intera ya kilometero 2,500 zose, bikaba byarakorewe gusenya ibikorwa by'umwanzi bi_barizwa k'ubutaka. 

Ni ubwato bwari busanzwe bubarizwa mu birindiro by'ingabo za America bibarizwa i kings Bay, Georgia. Bivugwa ko bwageze muri aka gace ko m'Uburasirazuba bwo hagati buciye m'Ubunigo bwa Suez kuri uyu WA Gatanu. 

Ibi bibaye nyuma yaho UK, USA na Israel batungiye urukiko Iran ko ifite imigambi migari yo Kuba yakwangiza ibigega by'amavuta bibarizwa muri Kariya gace, Ibi bihugu birashinja Iran gutunganya ubutare bya Iranium kugeza ku kigero cyo kubyazwamo ibisasu kirimbuzi.

Aho bivuga ko Iran yarenze kumasezerano yo gutunganya ubu butare, ubu ikaba igeze ku kigero kiri hejuru ya 60%.

America kandi yakomeje kwihanangiriza Iran ko itagomba gufasha Uburusiya mu ntambara buri kurwana muri Ukraine, ariko Iran iranga iha Uburusiya drones z'ubwiyahuzi zashegeshe cyane ingabo za Ukraine.