Abaherekeje Perezida Ramaphosa bafungiwe muri Polonye, abamurinda bambuwe intwaro._ISHEJA

Bamwe mu bategetsi bo muri Africa bo ku rwego rwa Perezida, bakoreye urugendo muri Ukraine kumurwa mukuru kyiv, aho bari bagiye kuganira na Perezida wa Ukraine Zelensky ngo barebere hamwe icyashyira akadomo ku ntambara iri muri Ukraine.

Mu rugendo rwabo, abategetsi bari kumwe na Perezida wa Africa y'Epfo ntibabangamiwe, ariko we n'abo bari kumwe bamurindiye umutekano, Abatangazamakuru, n'Abadipolomate  bigirijweho nkana butavugwa.

Abo kuruhande rwa Africa y'Epfo 120, bahejejwe mu ndege amasaha 9 yose, bangiwe ko basohoka.

Abarinzi ba Perezida Ramaphosa, bambuwe intwaro zabo zose, bisobanuye ko kurinda umutekano wa Ramaphosa byari bigoranye mu gihe special forces ya Africa y'Epfo irinda Perezida nta ntwaro yari ifite. Bambuwe intwaro kandi bari bafite uruhushya rwo kuzinjirana muri Polonye.

Ibintu ntibyarangiriye aho kuko Polonye yakomeje kubuza amahwemo abajyanye na Perezida Ramaphosa, bababuza kwerekeza i St. Petersburg m'u Burusiya ahari kubera Inama ihuza Perezida w'u Burusiya n'abategetsi ba Africa.

Indege z'abaherekeje Perezida ndetse n'abamucungira umutekano zangiwe kuguruka ziva kumurwa mukuru wa Polonye, Warsaw zerekeza m'u Burusiya, zigomba kugaruka muri Africa y'Epfo zitageze I St. Petersburg.

Indege, abari baherekeje Perezida Ramaphosa n'Abakomando bamurinda bafungiwe ku kibuga cy'Indege i Warsaw amasaha arenga  24 yose.

Biravugwa ko ibi Polonye yakoze, yabikoze kubera ko ishyigikiye Ukraine cyane ku bw'umutekano wayo. Ikaba yarasuzuguye Africa y'Epfo kubera ko Africa y'Epfo iri muri BRICS kandi ikaba inshuti cyane n'u Burusiya. Haheruka no kuvugwa ko Africa y'Epfo yahaye intwaro Uburusiya, ibintu OTAN yamaganiye kure,  n'ubwo Ambasaderi wa America muri Africa y'Epfo yaje gusaba imbabazi avuga ko habayeho gutanga amakuru nabi, ko Africa y'Epfo yaba yarahaye intwaro Moscow zo kurwanya Ukraine.

Africa y'Epfo kandi yakomeje kugaragaza kwifata mu matora ya LONI, ibi nabyo abo m'Uburasirazuba ntibabifashe neza.

Hari abantu bakomeje kuvuga ko n'ubundi aba bategetsi bo muri Africa ntacyo bagiye gukora muri Ukraine, kuko nta gikangisho na kimwe bafite cyahagarika intambara, bakavuga ko aba bategetsi bameze nk'abari mu butembere gusa. Ibi bivugwa bitya kuko impande zombi ziri mu mirwano zifite gahunda zikomeye zo kurwanyana kuburyo bukomeye , Ukraine yirukana Uburusiya kubutaka bwayo mu gihe Uburusiya bushaka guca icyo bwita agasuzugururo ka NATO hafi ya bwo.

Aba bategetsi ba Africa bagiye i Kyiv, bangiwe kugenda mu ndege zabo bava muri Polonye bagana muri Ukraine ahuwo bapakirwa ama Bisi.