330 barapfuye muri Sudan naho 3,000 barakomereka.
Imirwano ikomeye irakomeje muri Sudan, aho ihanganishije impande 2 zitumvikana uko Igihugu cya-yoborwa. Ni amakimbirane amaze kwaguka no gufata indi ntera irenze iyo yatangiranye, kuko bigaragara ko adateze guhagarara vuba ahubwo yanavamo n'intambara yeruye mu gihe ubwumvikane bwa komeza kubura hagati y'impande 2 zihanganye.
Hunter Numu Pac 
Aya makimbirane yatangiye mu Gitondo cyo ku wa Gatandatu ushize yaranzwe n'ibitero bya gisilikatlre bikakaye cyane, Ibi bitero bikaba byiganje k'umurwa mukuru wa Sudan ariwo Khartoum.
Aho ingabo zishyigikiye Perezida uriho Abdel Fattah al-Burham na Mohamed Humdan Dagalo ukuriye itsinda rya Gisilikare ryitwa RSF bakomeje kumvana imitsi mu bitero bya Gisilikare bidakuraho kandi bifite ingufu cyane. Ibi bitero byiganje k'umurwa mukuru biri kumvikana cyane ahari ibigo bya Gisilikare, kuri Radio na Televisiyo by'igihugu, Perezidansi n'ahandi ha ngombwa k'ubutegetsi aho ingabo za Leta zirwana zishaka kuhagumana naho ingobo zagabye ibitero kuri Leta zigashaka kuhavana ingabo za Leta ngo zihigarurire.
Mu gihugu hose ubu ahari ibibuga by'indege n'ibigo bya Gisilikare hakomeje kumvikana urufarya rw'amasasu adakuraho.
Ibihugu bimwe biragerageza kumvisha impande zihanganye ko zikwiye kumvikana zigahagarika imirwano, ariko zo ntizibikozwa kuko n'agahenge zari ziyemeje ntizaretse Kamara kabiri.
Ubu abaturage benshi bari gusohoka k'umurwa mukuru Khartoum, abo bidashobokeye kubera amasasu avuza ubuhuha yahitana uwari we wese igihe icyar'icyo cyose bakaguma mu mazu yabo nabwo birinda Kuba bakwegera amadirishya cyangwa se ngo biyanike kukarubanda kuko byabaviramo guhita baraswa ako kanya.
WHO, iratangaza ko Abasivile n'abasilikare bamaze kugwa muri iyi mirwano kugeza ubu ari 330 bose naho 3,200 bakaba barabaye intere, kuva aho iyi mirwano itangiriye.
Uyu munsi Central Committee of Sudan Doctors yatangaje ko hari hamaze gupfa 198 by'Abasivile naho 1,000 ngo nibo bari bamaze kugirwa intere n'ibi bitero.
Aya makimbirane akomeje gukazwa cyane no kutumvikana ku mpande zombi ziyobowe na Abdel Fattah al-Burham hamwe na Mohammed Hamdan Dagalo batangaije iyi mirwano ku italiki 15/04/2023 bivuye kubyo batumvikanaho.
Isheja Media House, irakomeza kubakurikiranira amakuru y'uko byifashe i Khartoum.
