Updates: Ku ntambara iri kubera muri Sudan, abarenga 500 bamaze gupfa.

Muri Sudan intambara ikomeje gufata indi ntera ikomeye Aho ingabo za Leta ubu zihanganye n'umutwe ushinzwe gutabara byihuse ( gutabarana ingoga) nawo ubarizwa mu Gisilikare cya Sudan uyu mutwe witwa ' Rapid support forces' .

Aya makimbirane aho kugana mu nzira yo kuvaho akaba yakemurwa, ahubwo ari gufata indi ntera agakara cyane, nta kimenyetso yerekana ko yarangira vuba nkuko benshi bakomeje kubisaba aba bagabo 2 bayatangije.

Imibare y'abapfira muri iyi ntambara irakomeza kuzamuka buri munsi, uyu munsi ishyirahamwe ry'Abaganga bo muri Sudan ryatangaje ko ubu abantu 425 aribo bamaze gusiga ubuzima muri iyi mirwano mu gihe abagera kuri 2,091 bakomerekejwe nayo.

Iyi mirwano imaze guhitana 425 ndetse 2,091 bagakomereka bikomeye, niko  ikomeje no gusenya ibikorwa remezo birengera benshi. Uyu muryango watangaje ko ibitaro 16 bimaze gusenywa n'iyi mirwano kuva  aho itangiriye kugeza uyu munsi.

Kuwa Gatandatu uyu muryango uhuza abaganga bo muri Sudan wari watangaje ko abamaze kugwa muri iyi mirwano ari 411, mu gihe Minisiteri y'Ubuzima yo ejo yari yatangaje ko 528 aribo bamaze guhitanwa n'iyi mirwano naho 4,599 bakaba aribo bari bamaze kugirwa intere nayo.

Iyi mirwano yatangiye ku italiki 15 Mata, 2023 bivuye ku kutumvikana hagati ya Abdel Fattha al-Burhan uyoboye igihugu cya Sudan ndetse na Mohamed Hamdan Dagalo uzwi cyane nka ( Hemedti) uyu ayoboye ingabo zitabara aho rukomeye cyangwa ingabo zidasanzwe za Sudan ( Rapid support forces).

Imirwano yatangiriye hafi y'ikigo cya Gisilikare cya Merowe no kumurwa mukuru Khartoum. 

Soma inkuru yabanjirije iyi kuri Sudan ucuye hano: https://isheja.com/uko-muri-sudan-byifashe-mu-ntambara-iri-guhuza-impande-2-zitumvikana-600-bamaze-kuhasiga-ubuzima .