Umutwe uri kurwanya Ubutegetsi bwa Sudan, uratangaza ko 60 biciwe mu mirwano.

Uyu mutwe wa paramilitary Rapid support Forces (RSF), uri kurwana n'ingabo za Leta ya Sudan watakaje abarwanyi 60 mu gihe cy'amasaha 24 yo nyine,  umukuru w'uyu mutwe Mohamed Hamdan Daglo uzwi nka (Hemedti) niwe watangaje iyi mibare mu kiganiro yahaye AL jezeera kuri uyu wa Kane.

Yatangaje kandi ko umukuru w'ikirenga w'ingabo za Sudan (Commander and Chair of the government Soverning Sovereignty Council)  Abdel Fattah Al-Burhan ari we watangaje iyi ntambara, ubwo yagabaga ibitero bya gisilikare kuri uyu mutwe wa Rapid support Forces watakaje ingabo zigera kuri 60 zose mu masaha 24 yo nyine.

Gen. Dagalo, yatangaje ko igisubizo kizahagarika iyi mirwano cyonyine ko 'ari ukugeza Perezida wa Sudan Al-Burhan mu nkiko',  ngo nta kindi gisubizo uyu mutwe witeguye kwemera atari icyo.

Yahamagariye amahanga kutaganira na Al-Burhan umukuru w'ingabo za Sudan akaba na Perezida w'iki Gihugu. Ngo niwe ugomba kuryozwa Ibi byose biri kubera muri Sudan, harimo gutangiza intambara kuri uyu mutwe ndetse n'impfu z'abasivile ziri kuyigaragaramo muri iki gihe kingana n'icyumweru cyose iyi mirwano imaze.

Hemedti, akomeza avuga ko ingabo za Leta arizo zarenze ku masezerano yo guhagarika imirwano yari yumvikanyweho ku mpande zombi, ni amasezera yari agamije gufasha abagizweho ingaruka n'iyi ntambara yadutse muri Sudan ndetse no kubaha igihe cyo guhunga ngo bave ku murwa mukuru ' Khartoum',  Yari kumara amasaha 24. Yavuze ko uruhande bahanganye rudashaka kubahiriza aya masezerano. 

Gen. Hemedti, yongeyeho ko nta bufasha uyu mutwe uhabwa buturutse hanze, kubirebana n'ikibazo cy'imbere muri Sudan, ko Ibyo ibitangazamakuru bitangaza ko waba wakira ubufasha buturutse hanze ya Sudan ari ibinyoma bidafite ishingiro.

Ibibazo ubu Sudan iri kunyuramo byafashe indi ntera biturutse ku kutumvikana hagati y'impande zombi kuburyo igihugu cyategekwa, iyi mirwano ikaba yaratangiye muri uku kwezi taliki 15, k'umurwa mukuru Khartoum no kubirindiro bya gisilikare bya Merowe.

Umuryango mpuzamahanga w'ubuzima wo, uratangaza ko kugeza ubu hamaze kwicwa abantu 330 naho 3300 bo bagakomereka.

Mu gihe Sudan Doctors Committe yo, itangaza ko hamaze gupfa abasivile 198 muri Aya makimbirane naho 1000 bo bagakomereka, mu gihe abandi 3300 bataye ingo zabo.

Hemedti arashinja Perezida wa Sudan Al-Burhan kuyobora igihugu mu buryo bwa gisilikare kandi bari barumvikanye ko igihugu kigomba kuyoborwa n'abasivile, ngo ibyo rero bigomba gushyirwa mu bikorwa nta kabuza, igihugu kigahabwa abasivile.

Soma inkuru ibanziriza iyi ku kibazo cya Sudan: https://isheja.com/330-barapfuye-muri-sudan-naho-3000-barakomereka .