Ibihugu byose bigize NATO byahaye ikaze Ukraine muri uyu muryango wa NATO.

Uyu n'uwanzuro wafashwe n'ibihugu bigize uy'umuryango, ubwo abawugize baganiraga ku kibazo cya Ukraine no kubusabe bwayo bwo Kuba yakwinjira muri uy'umuryango.

Ibihugu binyamuryango bya OTAN/NATO byanzuye ko igihugu cya Ukraine gihawe ikaze muri uy'umuryango ariko kikazinjiramo ku buryo bweruye nyuma yo gutsinda urugamba kirimo kurwana n'u Burusiya, Ibi byatangajwe nukuriye umuryango wa OTAN Gen. Jens Stoltenberg kuri uyu wa Gatanu ushize.

Yatangaje ibi ubwo yari i Ramstein ku birindiro by'ingabo za America zirwanira mu kirere, mbere yo kubonana n'abo ku ruhande rwa Ukraine.

Jens ati ibihugu byose biremera ubusabe bwa Ukraine, ariko ikazinjira m'umuryango nyuma yo gutsinda amakimbirane ayihanganishije n'Uburusiya. Jens yongeyeho ko Ukraine nitabasha kurinda ubusugire bwayo nk'Igihugu cyo k'Uburayi, ko ntabusonuro bwo kuganira ku kuyinjiza muri uy'umuryango buzaba buhari.

Jens yanavuze ko NATO yiteguye kubaka ejo heza ha Ukraine, biciye mu kuyubaka no kuyifasha.

Jens Stoltenberg yavuye mu Budage yerekeza I kyiv kubonana na zelensky, aho yijeje zelensky ko NATO izafasha Ukraine kubona uburyo bwo guhangana n'Uburusiya biciye mu kuyiha intwaro n'ibindi bikoresho nkenerwa ku rugamba. Yatangaje kandi ko Perezida wa Ukraine zelensky yasabye uyu muryango intwaro zirinda ikirere nyinshi mu rwego rwo kuzikoresha bahangana n'ibitero by'indege z'Uburusiya ndetse na Missiles zabwo, zelensky kandi yanasabye ibifaru bikomeye hamwe n'indege ziri kukigero kiyingayinga iz'Uburusiya.