Iran gukora igisasu kirimbuzi mu minsi 12.
Iran yamaze kugira ubushobozi bwo gukora igisasu cya kirimbuzi mu minsi 12 gusa, ibi ni ibitangazwa na Leta zunze ubumwe za A merica.
admin
Mu minsi ishize nibwo hatangajwe ko Iran imaze kugira ubushobozi bwo gutunganya Uranium kugera ku kigero cya 60%, none ubu ubwo bushobozi bwiyongereye bugeze ku kigero cya 83.7%
,bivuze ko mu gihe kitageze no kukwezi Iran yongereye ubushobozi bwa 23.7%. Ibi ni ibitangazwa na IAEA urwengo rugenzura uko Uranium ikoreshwa mu bihugu biyitunganya.
Ibi byahise bigira Iran igihugu giteje inkeke kuri America n’inshuti zayo cyane Israel, kuko bitifuza ko Iran yakoza ibiganza kuri iyi ntwaro yanyuma y’ubwirinzi. Intwaro Igihugu gitunga kikaba kizeye ko nta kindi cyakigabaho ibitero.
Amakuru akomeza avuga ko ibi bisasu kirimbuzi biri gucurirwa munsi y’ ubutaka kandi ko umushinga wenda kugera k’umusozo, kuko urwego Iran igezeho ko ari urwo gutunganya igisasu cya mbere mu minsi 12 gusa kikaba cyahita kinakoreshwa bibaye ngombwa.
Ibihugu bitunze intwaro kirimbuzi bihagarariwe na America, biravuga ko Iran ikomeje kuvunira ibiti mu matwi, ikica amasezerano yasinye avuga ko itazigera itunganya Uranium yo gucuramo ibi bisasu kiimbuzi. Ahubwo ko izatunganya Uranium yo kubyaza mo ingufu z’amashanyarazi, none yo yaciye undi muvuno iri kwikorera ibisasu by’ubwirinzi.
Ibi bihugu byasinye aya masezero harimo Iran, Ubushinwa, Uburusiya, America, Ubufaransa, Ubudage, Ubwongereza hamwe n’umuryango w’uwbumwe bw’uburayi.
Uyu mushinga biravugwa ko ari Uburusiya buri kuwufashamo iki Gihugu gituwe nAbaperise aricyo Iran.
