Ibihugu byafunze TIKTOK k’ubutaka bwabyo, mu bihe bitandukanye.

Ni ibihugu byagiye bibuza abaturage babyo kuba bamanura TIKTOK mu bihugu byabo, Ibi bihugu byahagaritse TIKTOK kubera impamvu zitandukanye ariko impamvu iza imbere y’izindi ibi bihugu bivuga ko ari impamvu y’umutekano.

TIKTOK ifitwe mu nshingano n’ikompanyi yo m’u Bushinwa yitwa Bytedance, iyi kompanyi ivuga ko amakuru yose aca kuri uru rubuga atagenzurwa n’Ubushinwa cyangwa ngo Ubushinwa buyabike, ivuga kandi ko n’ububiko bwayo makuru butaba m’u Bushinwa.

Bytedance ivuga ibi mu gihe ibi bihugu byahagaritse TIKTOK biyishinja ko Leta y’u Bushinwa igenzura ibica kuri uru rubuga byose, ibi bihugu bikavuga ko TIKTOK igamije gukorera ubutasi Leta y’ubushinwa. Ibi bihugu kandi byagiye binahagarika Telefoni zimwe na zimwe zikorerwa m’u Bushinwa bivuga ko nazo zirimo utwuma dukurura amakuru yabazikoresha tukayahereza Leta y’u bushinwa.

Ibi nibyo bihugu byahagaritse TIKTOK kubera impamvu ziri hejuru cyangwa izo bitashatse gutangaza.

. Ubuhindi

Ubuhindi bwatangiye kugera amajanja TIKTOK mu mwaka wa 2020, ariko butangaza ko buyifunze burundu mu mwaka wa 2021 mu kwezi kwa Mutarama.

. Taiwan

Iki gihugu cyahagaritse TIKTOK mu Kuboza 2022.

. Leta zunze ubumwe za America

Guverinoma ya America niyo yafashe icyemezo cyo guhagarika TIKTOK , kubera ko yavumbuyemo utwuma tw’ubutasi dufata amakuru tukayerekeza mu bushinwa, icyo nicyo America ishinja Bytedance.

Yahagaritswe muri uyu mwaka 2023.

. Canada

Leta ya Canada niyo yafashe umwanzuro wo gusiba TIKTOK mu byuma bikoreshwa n’inzega za guvernoma ya Canada. Yahagaritswe mu mwaka wa 2023.

. Pakstan

Muri 2020, Igihugu cya Pakistan cyagiye gihagarika uru rubuga rwa Bytedance mu bihe bitandukanye.

. Afghanistan, yagiye ihagarika TIKTOK mu mwaka wa 2022.

. Ubumwe bw’Uburayi

Ibihugu bigize ubu bumwe bw’Uburayi byagiye nabyo byinubira TIKTOK bivuga ko ibangamiye umutekano wabyo.