Hiba Abouk Umugore wa Achraf Hakimi yaguye mu kantu ubwo yasabaga gatanya yizeye guhabwa akayabo, birangira abuze byose.
Umufasha w'umukinnyi Achraf Hakimi w'imyaka 24 ukomoka mu Gihugu cya Morocco, Hiba Abouk nyuma yuko asabye gatanya yizeye ko agomba kugabana umutungo n'umugabo we Achraf Hakimi yaguye mu kantu ubwo inkiko zamubwiraga ko umugabo we nta n'igiceri atunze kuri konti ya Banki ye .
Dusabumuremyi Eric 
Ibi byabaye nyuma yuko umugore wa Achraf Hakim, Hiba Abouk w'imyaka 36 banabyaranye abana 2 ndetse akaba yari yizeye guhabwa akayabo k'amafaranga, Dore ko uyu mugabo Achraf Hakimi 0ari umwe mu bakinnyi bakomeye ku Isi kugeza ubu akaba ahembwa buri kwezi agera kuri miliyoni y'ama EURO mu ikipe ya Paris Saint Germain angana na miliyari y'Amanyarwanda ku kwezi.
Inkiko zo mu gihugu cy'Ubufaransa zikaba zarakiriye ikirego cya Hiba Abouk washinjaga umugabo we, Achraf Hakimi kumuca inyuma Dore ko byavugwaga ko yaba yararyamanye n'undi mukobwa, ibi bikaraza uyu umugore we, byatumye yifuza ko batandukana anizera ko ahita amukuraho akayabo.
Ubwo inkiko zafataga umwanzuro w'urubanza zabwiye Hiba Abouk umufasha w'umukinnyi Achraf Hakimi ko uyu mugabo nta mafaranga na makeya agira ko ayo atunze nibyo akorera byose byandikwa mu mazina ya nyina, byanavuzwe ko uyu mugabo uhembwa akayabo ngo niyo akeneye kugura urukweto cyangwa umwenda ngo ayasaba nyina, ibi byatumye Hiba Abouk wari umufasha we aba nk'umusazi mu rukiko.
Benshi bacitse ururondogoro kubera ibyabaye, kuri uyu mugore wa Achraf Hakimi nyuma yo gusanga umugabo nta kintu agira cyaba umutungo cyangwa amafaranga kimwanditseho, abenshi bakaba baboneyeho umwanya wo gukomeza kwerekana no kuvuga ko urukundo rw'ubu rushingiye ku mibare, aho umuntu akunda undi afite ibindi akurikiye ho/ nko kumusahura muri ubu buryo.
Uyu mugore wari umufasha wa Achraf Hakimi akaba yari yamaramaje ko agomba kugabana n'uyu mugabo we byaba ngombwa agatwara ibirenze kimwe cya kabiri by'umutungo w'umugabo, dore Achraf Hakimi afite umutungo ubarirwa muri miliyoni 70 z'ama Euro, ugereranije zingana na miliyaridi 70 z'amanyarwanda zirengaho gato, uyu Hiba Abouk we bakaba basanze afite agera kuri miliyoni 2.5 z'ama EURO akoreshwa k'umugabane w'u Burayi ndetse inkiko zikaba zasabye ko ayo mafaranga umugore we atunze bayagabana na Achraf Hakimi wari umugabo we.
Abantu benshi Kandi baboneyeho umwanya wo gukomeza kwishimira umubano mwiza uri hagati ya Achraf Hakimi na nyina umubyara, Dore ko benshi bavuga ko burya ngo nyoko aba ari we muntu wa mbere wo kwizera kuruta abandi bose.
